Ibas sada wari mate me Pa Cikang. Ngandung ndeharana eme ame Cikang. Ia igelari Pa Cikang perban lalit pupusna. Lalit sima-simana. Rumahna i tepi kerangen. Perban sie lesek kal ate Nande Cikang.
Tangis me Nande Cikang, nina, "O... Bapa Cikang lamegogo....! Lawes kam, uga nari nge kuban emasta si sada karung e Bapa Cikang?"
Tangis me Nande Cikang, nina, "O... Bapa Cikang lamegogo....! Lawes kam, uga nari nge kuban emasta si sada karung e Bapa Cikang?"
Bagem nina tangis janah nuriken emas si sada karung. Emaka tamana Bapa Cijang kubas karung janah iiketna. Jenari cibalkenna deher pintu.
La ndauhsai rumahna e nari lit dua kalak pinangko. Ibegina sora tangis Nande Cikang. Duana pinangko enda lit perpasekna. Emaka ngerana sekalak, nina, "Ah kap lit emasna sada karung, Anak! Mate perbulangenna emaka ia ngandung. Kari berngi sitangkolah emasna e. Uga akap ko, Nak?"
"Emas nim...? Adi emas kin, e enggo teng-teng. Can kal kap e! Kari berngi sibuat, banci kin la kari kita jadi bayak." nina sekalak nari.
Berngina, ibabana perlanja, janah iperdiatekenna rumah Pa Cikang. Lalit sora kai pe. Nande Cikang pe enggo tunduh. Talangina pintun, mis idahsa karung enggo iiket. Emaka i jukjukenna perlanja.
Enggo ndauh ia kiam duana. Enggo latih akapna. Gedang-gedang kesahna.
"Bau mayat pe Anak...!" nina si arah pudi.
"Kai...? Kalak ngayak...?" nina si arah lebe ngaloi.
"Bau mayat ku akap...!" nina ka.
"Iyah pedasken adi bage...!" nina temanna janah kiyam terpedasen.
Kiyam ka ia duana bas berngi e. Kenca seh iya ku kerangen, e enggo nambah gelapna. Perban lanai idahna dalan, jurembat si arah lebe. Guling ia duana.
"Andih...! Mesui nahengku...!" nina sekalak.
"Aku pe mesui takalku...!" nina ka sekalak nari. "Ngadi kita lebe. Ohhhhh...!" kemesah gedang ia.
"Ngadi kita lebe jenda. Enggo payo e... Adi ijenda lanai bo kari ayakina!" ngerana ka temanna.
"Ise kin si ngayaki e...? Labo lit singayaki. Ndai pe bau mayat nge ningku." nina ngaloi.
"Kalak ngayak nge ndai kubegi, mis aku mbiar, emaka ku kiyamken ka. Iyah... nen lebe emas ena ndai," nina ngaloi.
Emaka ibukana karung, rempet ia sengget duana.
"La kap emas si babanta ndai. Bangkena kap silanja-lanja. Ohhh... Nasip...! Patutlah bau mayat. Engkuburkenca kepe jadi sikerajangenta. Iyah... mislah sikuburken gelah ula terdekahen si akam mbau...!" nina temanna.
Emaka ikuburkenna Pa Cikang i kerangen e. Dungna lawes ia duana janahna jungut-jungut.
Sumber : Buku Pelajaran Bahasa dan Budaya Karo kelas 3 SD
La ndauhsai rumahna e nari lit dua kalak pinangko. Ibegina sora tangis Nande Cikang. Duana pinangko enda lit perpasekna. Emaka ngerana sekalak, nina, "Ah kap lit emasna sada karung, Anak! Mate perbulangenna emaka ia ngandung. Kari berngi sitangkolah emasna e. Uga akap ko, Nak?"
"Emas nim...? Adi emas kin, e enggo teng-teng. Can kal kap e! Kari berngi sibuat, banci kin la kari kita jadi bayak." nina sekalak nari.
Berngina, ibabana perlanja, janah iperdiatekenna rumah Pa Cikang. Lalit sora kai pe. Nande Cikang pe enggo tunduh. Talangina pintun, mis idahsa karung enggo iiket. Emaka i jukjukenna perlanja.
Enggo ndauh ia kiam duana. Enggo latih akapna. Gedang-gedang kesahna.
"Bau mayat pe Anak...!" nina si arah pudi.
"Kai...? Kalak ngayak...?" nina si arah lebe ngaloi.
"Bau mayat ku akap...!" nina ka.
"Iyah pedasken adi bage...!" nina temanna janah kiyam terpedasen.
Kiyam ka ia duana bas berngi e. Kenca seh iya ku kerangen, e enggo nambah gelapna. Perban lanai idahna dalan, jurembat si arah lebe. Guling ia duana.
"Andih...! Mesui nahengku...!" nina sekalak.
"Aku pe mesui takalku...!" nina ka sekalak nari. "Ngadi kita lebe. Ohhhhh...!" kemesah gedang ia.
"Ngadi kita lebe jenda. Enggo payo e... Adi ijenda lanai bo kari ayakina!" ngerana ka temanna.
"Ise kin si ngayaki e...? Labo lit singayaki. Ndai pe bau mayat nge ningku." nina ngaloi.
"Kalak ngayak nge ndai kubegi, mis aku mbiar, emaka ku kiyamken ka. Iyah... nen lebe emas ena ndai," nina ngaloi.
Emaka ibukana karung, rempet ia sengget duana.
"La kap emas si babanta ndai. Bangkena kap silanja-lanja. Ohhh... Nasip...! Patutlah bau mayat. Engkuburkenca kepe jadi sikerajangenta. Iyah... mislah sikuburken gelah ula terdekahen si akam mbau...!" nina temanna.
Emaka ikuburkenna Pa Cikang i kerangen e. Dungna lawes ia duana janahna jungut-jungut.
Sumber : Buku Pelajaran Bahasa dan Budaya Karo kelas 3 SD
0 Comments